Tuesday, February 16, 2010

Apohaaall?


Nih bukan main-main do nih.. nih la deh pengalaman atok maso semayang kek surau. Maso tuh ari eh paneh.. polak.. bepoluh dahi.. atok baru abih beporang dongan orang British, kek Sungai Ujong tuh..

Nak menyojuk an ati yang paneh nih, atok pun poi la surau, nak semayang zohor.. Amek la wuduk, peh tuh masuk surau.

Bilo atok masuk surau, nampak la orang-orang baru abeh semayang. Tapi ado kek satu sudut tuh nampak la atok sorang geng atok tongah semayang. Lopeh tuh atok poi la ke blakang dio, nak jemaah sesamo.


Bilo atok dah redi, atok sepp la belakang geng atok tuh..
Ontah mano silap eh, kawan atok tuh bepaling deh ke blakang meronung muko atok, dio siap sound..

"APOHHAAALLL???"

Togamam la atok sekojap..
Nasib baik gigi pasu atok tak jatuh.. kok tak.. maun bedoghai ateh lantai..


Peh tuh dio sambung semayang balik... Agak eh dio tekojut agak eh.. tuh dio bepaling muko tuh..

Atok pun heran.. cemno nih.. memandangan maso tuh atok tak tau nak buek apo.. mungkin sobab dek tekojut.. atok continue jo la jadi makmummm.. dio pun jadi imam..

Atok anggap yang "APOHALLL" tuh mungkin luar kawalan agak eh..

Sampai skang atok tak tau apo status semayang zohor atok jam tuh.. Ado sesepo lobai yang buleh tolong? Kok takdo takpo la..

2 tembakan:

  1. Ayie a.k.a Nyei ( February 19, 2010 at 10:24 PM )

    hakhakhakhak!! ko tepuk kuat sangat kot?!! haaahahahahahah

  2. kemashady ( February 21, 2010 at 11:38 AM )

    xpaham cite nie..ko tepuk org yg tgh smayang 2 ke kerol?