Cik Memon dan Cik Julia

Atok : Nak tido da ko?

Cucu : A'ah la tok.

Atok : Nak donga cito?

Cucu : Boleh jugak.

Atok : Pado zaman dulu kalo, ado seko ayam. Namo eh Robert. Dio ado bini, namo eh, Memon. Memon nih namo ponuh eh Maimun. Hidup deduo eko nih bahagio. Satu aghi, deduo eko nih poi pasar..

Memon : "bang.. aghi nih nak masak apo? Masak gulai sadin buleh? anak kito da lamo tak ghaso sadin..."
Robert : "aaa.. buleh yo.. aghi-aghi makan dodak jo... kombang tokak ghaso eh.."



Memon : "eeii ghamai lak aih oghang kek pasar niii... "



Memon : "HAAAA!!!..kek situa ado kodai sardin agak eh.."




Dalam maso yang samo.. Robert terjumpo kawan lamo eh.. Julia.

Robert : "Ehh Julia... Lamo tak jumpo.. buek apo nijam?"

Julia : "Abang Robert!!!! Lamo botol tak jumpo.. lain da nampak eh... kopak pon dah gugur bulu eh ha... ese motong gotah skang nih... Ehh.. Kak Memon mano??"

Robert : "Ado tu ha... dio poi boli sardin.."



Memon : "EEhh... dengan sepo laki den bebughak tuh?"



Memon : "WOIII!!! BETINO TAK GUNO!!! beghani kau kacau laki den!!"



Julia : "uishh.. bahayo nih.. cabut-cabut.."




Memon : "MANO KAU NAK LARI HAA!!!??? Memang dasar tak guno.. montang-montang laki den hensem!!"

Julia : "Ese tak salah kak.. jangan la memaghah cemneh.. malu dek oghang.."




Pulis pon datang..

Pulis : "Woooooi.. apehal nih.. gaduh2 neh.."




Robert pon ceghito la kesah eh.. rerupo eh.. si memon nih cemburu buto.. pantang nengok laki eh cakap dengan oghang lain... ashek nak cemburu yo..

Robert :" takpo la.. mintak maaf la yo Julia.. ese bagi pihak memon mintak maaf.. sebagai balasan eh.. den belanjo makan durian.."

Memon : "akak mintak maaf la yo Julia.. akak jeles bona eh.. bang.. mano durian eh.. sampaahh jo nih..."

Julia : "apo nak di jeles an kak oiii.. takdo sey nak kacau laki akak doo.. sey minat kek Pulis tuh.. hehehehe"




Pulis : "Ehh.. yo ko????"



Pulang la Memon ngan laki ehh ke rumah...

Atok : Ehh.. da tido dah.. Boring agak eh cito den nih.. Huh!!!



p/s : cerita nih tak da kene mengena dengan yg hidup mahu pon mati..