Friday, November 20, 2009

Makan kek Ipoh


Cucu : Tok.. kenapa tersenyum-senyum tuh?

Atok : Nih ha.. atok nengok gambar atok maso mudo-mudo dulu..

Cucu : Gambar aper tuh tok.. cerita la..

Atok : Aghi tuh atok maso lopeh pekso, kengkawan atok ado la ngajak atok poi makan kek Ipoh.. poi la naik keto kawan atok.. keto MyV meghah menyalo.. jam nih tak jumpo lagi da keto cemtuh.. Memandang an memasing selegho nak makan western, poi la caghik kodai western kek ipoh tuh.. da lamo tak ngaso.. sampai jo kek kodai tuh, dio tunjuk la menu eh.. Nengok hargo eh.. makk aihh.. bedoghau daghah.. ontah penamo eh..


"nih sop cendawan.. ntah apo ghaso eh ntah.. kok moyang kau nampak,
dah dihumban eh jaejauh
"


"kau nak tau bapo inggit nih? 10hinggit! cokek daghah botol.."


"tuh yang sebolah kanan tuh kawan atok, namo eh fareez..
yang sonyum macam tenggiling tuh, alloy.."

"yang tudung itam tuh, yaya.. sebolah eh tuh farah.."


Atok : memacam makanan ado... namo eh pon polik-polik... afred la, teko la.. memulo atok nak makan yg no 14 tuh.. tapi sobab dek macam polik jo namo eh.. atok makan la menu no 9.. Tapi yang elok eh.. sumorang konyang.. ongeh ghaso poghut nih.. sosak napeh.. kawan atok yang drive keto tuh, pkai poghut yo nak handle stereng keto..

Cucu : Ehh.. uwan tak ikut ker tok?

Atok : Uwan kau poi gym..

Cucu : HAAA??

6 tembakan:

  1. whatsername ( November 20, 2009 at 2:14 PM )

    tok,uwan poi gym sampai skang ke tok?

  2. Anwar Samad ( November 20, 2009 at 2:26 PM )

    ermm.. sori la.. atok tak der.. dia gi kebun.. so tak tau la aper blaku kat uwan skang neh..

  3. Anonymous ( November 20, 2009 at 7:09 PM )

    ooo....pasai apa la pi tak habaq awai2... hahahaha~

  4. Half ( November 20, 2009 at 9:53 PM )

    tok.. uwan tu ada rambut x?
    hahahha

  5. siti otai ( November 21, 2009 at 5:38 PM )

    atok..uwan tuh mosti hot kan poie gym...

  6. syik s. ( December 4, 2009 at 9:55 PM )

    den ghaso atok tu amik no 9 sobab tu lagi murah dari no 14... atok kan kodokut pait orang eh...