Osah paneh ehh..

PPPPaneh... atok memang paneh... mano tak ehh.. kok orang tipon atok, kalo dah namo eh dalam bilik, memang tak dapek nak becakap.. kono belolah keluar dulu, baru dapek donga sogho orang..

manjang takdo line jo kek bilik ni ha.. bayang an la kok ado hal ponting, anak cucu nak tipon ko, kan ko payah.. uwan kau memang bongih bilo telipon atok.. manjang putuih yooo..

tiang pemancar eh, tinggi tak ngingat.. tapi line eh, nak dapek satu bar pon payah.. bukan atok tak bayar.. gegonap bulan bayar..

tapi tak po.. atok dah nak beghambuih da.. nasib la sesepo yang nak duk sini.. kok takdo line tuh, jangan la bongih.. mondo beso yo..

kok nak telipon kono ikut caro kawan atok ni..

"kok tak betenggek topi tingkap..
memang tak dapek nak becakap.."

apo pun, dalam umah nih, atok dongan kawan atok yo yang tahan dan setio pado line tipon nih.. kau bayang an laa.. kengkawan atok yang lain, sumo tukar line, dek tak tahan eh..

haaa.. apo laie... tok ananda.. tolong la tetengok an masalah orang kampung ni ha.. tetokan ghaso eh..